Shillong, Risaw 13
Ka Seng Samla Lower Lumparing ka la pynkut noh ïa ka lympung ïalehkai badminton ba la tip kum ka 3rd Men’s Doubles Open to All Badminton Tournament 2024 ha ka 12 tarik. Kane ka long shi bynta ban kynmaw burom ïa u President barim jong ka, u (L) Bah Nangremdor S. Khongwir.
Ha kane ka lympung kaba la sdang naduh 10 tarik mynta u bnai ba la wan shim bynta haduh 40 tylli ki kynhun, ka kynhun jong u Mebanker Shullai bad Deilang Nongpluh ki la long ki nongjop ha ka final pyrshah ïa u Ragui bad T. Rema.
Ki nongjop ha kane ka lympung ki la ïohpdiang ïa ka khusnam pisa kaba T. 13,000 bad kiba wan ba-ar kin ïoh T. 7,000. Ïa kine la sam da u Bah D Shabong, Rangbah Shnong jong ka Lower Lumparing kum u kongsan ha ka jingïadon lang Rajesh Kamal, Secretary ka Meghalaya State Badminton Association kum u symbud kongsan bad kiwei.
