Shillong, Risaw 18
U Thomas Tuchel un ïoh ïa ka jingsiew tulop kaba of £5 million ha ka shi snem hadien ba u la soi ïa ka kontrak kaba 18 bnai na ka bynta ban shimti kum u coach uba thymmai ïa ka kynhun ïalehkai phutbol jong ka England.
Kane ka jingsiew ka long syriem kumba long ïa u coach barim ka England u Gareth Southgate.
Ka jingkheiñ ka lah ban long kaba heh bha na ka bynta ka kam kum u coach, hynrei ka dang dei ka jingpynhiar tulop kaba jur bha haba ïanujor bad ka jingïateh kular jong u kaba £10 million shisnem kum u nongpynïaid jong ka Chelsea. U Tuchel u la pynïaid ïa ka Chelsea haduh 20 bnai shwa ba un shah weng kam ha u Nailur jong u snem 2022.
Ïa ka jingsiew na ka bynta u Thomas Tuchel ka la pynpaw ba kum u coach ba ar uba ïoh tulop bha ha ka phutbol uba pynïaid ïa katei ka kynhun ha ki jingïalehkai shabar ri. Hynrei ka jingïapher hapdeng jong u bad ka kyrdan ba ha khliehduh la sngewthuh ba ka long kaba heh bha. U Manager jong ka Saudi Arabia, u Roberto Mancini, la ïathuh ba u dei uba hakhmat eh ha ka thup kum u manager jong ka pyrthei, uba ïoh tulop kaba bun tam.
Katkum ki khubor, u Mancini u kamai £21.5 million kum u coach jong ka Saudi Arabia. Ha ka kyrdan jong ki klob, katba u Pep Guardiola u don ha ka kyrdan ba nyngkong ban ïoh ïa ka jingsiew kaba £20 million ha ka shisnem ha Manchester City.
Katba ïa u Thomas Tuchel pat, ka dangsah sa tang ban ïohi lada un mih kum u nongmihkhmat uba paka tam ha ka jaka u Gareth Southgate. La pynskhem ïa u Tuchel kum u nongïalam ba bud jong ka England ha ka sngi Balang bad u la thmu ban shimti ïa ka kam ha ka 1 tarik u Kyllalyngkot jong u snem ban wan.
U Thomas Tuchel u la shah bynshet ban ïalam ïa ka kynhun ki shynrang sha ka lympung ïalehkai World Cup ha u snem 2026 ka ban long ha America. Ka England ka la ïai ap khmih lynti ban pynkut noh ïa ki 60 snem jong ka ban ïoh ïa ka khusnam kaba heh ha ka lympung ïalehkai jong ka FIFA.
Na ka liang u Thomas Tuchel u la ban jur kumno ban jia ha ka kam ïalehkai. U la ong, “Ym don kaei kaei kaba ym lah ban leh ha ka jingïalehkai. Ha kawei ka por ngi hap ban pyllait ïalade na ka histori, ngi hap ban pynleit jingmut ha ka rukom treikam bad kane kan sdang naduh u Kyllalyngkot.”
