Shillong, Risaw 18
Ka Mawlai SC ka la pynliem noh ïa ka Rangdajied United FC da 3-2 kol ha ka Sngi Thohdieng ha ka jingïakhun jong ka lympung OC Blue Shillong Premier League 2024 kaba la long ha SSA Stadium ha madan First Ground, Polo.
Kane ka dei ka jingïalehkai kaba khatduh jong ka wat kaba nyngkong bad kaba nyngkong eh jong kane ka samoi ban ïalehkai hapoh ki floodlight.
Ka Mawlai ka la ïoh ban thep kol lyngba u Khrawkupar Jana ha ka minit kaba 3 bad kaba 13 bad lyngba u Fairming Suting ha ka minit kaba 78, katba na ka bynta ka Rangdajied la ïoh ban thep kol da u Balamlynti Khongjee ha ka minit ba 4 bad u Manbha Iawphniaw ha ka minit ba 77.
Ka Rangdajied ka la pyrshang ban lehkai bha ha ka kylla miet haba ka la ïoh ban pynïakhaid lyngba ka kol u Manbhakupar Iawphniaw. Na ka liang ka Mawlai ka la lah ban pyntam noh lyngba ka kol u Fairming Suting ha ka minit ba bud bad neh haduh bakut ka jingïalehkai na bynta ban jop syndon.
Ha ka Sngi Saitjaiñ kan don tang kawei ka jingïalehkai ha kaba ka Nongrim Hills SC kan ïakhun pyrshah ïa ka Sawmer SC ha ka por 5:30 nohphai sngi.
