Shillong, Risaw 18
Ha ka jingïalehkai jong ka 3rd Division ha ka Sngi Thohdieng ka Nongbri SC ka la jop 1-0 kol ïa ka Mawsingshad SC lyngba ka penalty u Kostaroy Nongbri ha ka minit ka ba 62.
Katba ha ki jingïakhun jong ka 2nd Division ka Mawkynroh SC ka la ïakhaid da 0-0 kol pyrshah ïa ka Pyndenumbri SC, kumjuh ha ka jingïakhun kaba bud ka Ramklang SC pyrshah ïa ka Mawrohroh SC ki la ïakhaid da 0-0 kol.
Ki jingïalehkai ki ban long ha ka Sngi Saitjaiñ jong ka 3rd Division ha ka por 12 baje mynsngi kan long hapdeng ka Laitniangtlong SC pyrshah ïa ka Raimulong SC, bad ha ka por 2 baje nohphai sngi ka Mawpalong SC pyrshah ïa ka Laitsohphlang SC, katba ha ka 2nd Division pat ha ka por 3:30 nohphai sngi ka Nongwah SC pyrshah ïa ka Mawdngong SC.
