Ha u Esekiel ka lynnong kaba arphew ka dkhot kaba 20 (arphew) ka ong, bad to sumar khuid ïa ka Sabbaton jong nga bad kan long ka dak hapdeng jong nga bad phi ba phin ioh tip ba nga long U Trai U Blei jong phi. Hangne ngi dei ban sngewthuh ba ka Sabbaton ka don ha ka shiphew hukum jong u Blei. Kumta ban long niam ka dei ïa ngi ba ngin kohnguh ïa ki shiphew hukum jong u Blei. Lada ngim kohnguh ïa ki shiphew hukum ka mut kam don jingmut ban long niam kum ki Khristan. Ki Khristan ki dei ban bud ïa kaba la thoh ha ki shiphew hukum jong u Blei. Kam don jingmyntoi ban long niam haba ngi kyntait ïa kaei ba la thoh ha ka ktien U Blei. Kumta ka dei ïa ngi ban shong sngi ha ka sngi Sabbaton ne ka Sngi Saitjaiñ jong U Trai. Ki balang ki dei ban phai khmat ha ka jinghikai ka ktien u Blei (bible) ym ha ki jinghikai jong kane ka pyrthei.
C. B. Iawphniaw
