Shillong, Risaw 21
Ka Mawkma Youth Club ka la long sa kawei ka kynhun ban rung sha ka semi final ha ka U-14 Football Tournament 2024 ba la pynïaid da ka Maraikaphon Youth Club. Kane ka la wan urlong hadien ba ka la lah ban pynliem noh ïa ka Nongthymmai SC da 1-0 kol ha ka Lah Sngi U Blei.
Kane ka nam jop ka la wan urlong lyngba ka kol u Widney Kharumni ha ka minit kaba 30 ha ka quarter final kaba ar kaba la long ha madan Maraikaphon, Sohra.
Kumta ka jingïakhun quarter final kaba lai kan long ha ka Sngi Ba-ar hapdeng ka Mawrung Jr. Academy pyrshah ïa ka LSC bad ha ka Sngi Balang ka 16 Bros ïa ka MYC ‘A’.
