Shillong, Risaw 22
Ka Sports Authority of India, STC, Shillong kan pynlong ïa ka jingïakop mareh ba la tip kum ka Fit India Swachhata Freedom Run 5.0- (Swachh Bharat Swasth Bharat) ha ka 26 tarik mynta u bnai.
Kane ka jingïakop mareh kan sdang na khyrdop jong ka SAI STC Shillong ha ka por 6 baje mynstep na ka bynta ban mareh kylleng jong ka NEHU bad ban pynkut pat ha Synthetic Athletic Track jong ka SAI STC Shillong.
Kumta, kat kum ka kyrwoh ba la pyllait da u T.S.Chavhan, Deputy Director ka SAI STC, Shillong, la ong ba ka jingpynrung kyrteng na ka bynta ki nongshim bynta ka dangïaid shakhmat bad ïa katei ka jingïakop mareh yn kaweh lada da u khlur nongmareh barim ka Jylla u Bah Beningstar Lyngkhoi kum u kongsan.
