Shillong, Risaw 22
U rangïalehkai U-17 ka Jylla u Manbhakupar Malngiang u la paw hapoh ka thup kyrteng jong 23 ngut ki rangïalehkai ka ri India na ka bynta ka AFC U17 Asian Cup 2025 (Qualifiers) ka ban sdang naduh ka 23 haduh 27 tarik mynta u bnai ha Thailand.
Ïa kane la pynbna da u coach ka kynhun jong ka ri u Ishfaq Ahmed ha ka Lah Sngi U Blei. Ka India ha kane lympung ka la don ha ka Group-D bad kan ïakhun pyrshah ïa ka Brunei Darussalam ha ka 23 tarik, kumjuh ïa ka Turkmenistan (25 tarik) bad ïa ka Thailand (27 tarik).
Ki don 10 tylli ki kynhun kiba don ha ka kyrdan ïakhun, ha kaba ka kynhun kaba jop ha ka kynhun bad phra tylli ki kynhun kiba kynsai kiba wan ha ka kyrdan ba ar kin ïasoh ryngkat ka Saudi Arabia kaba long ka nongpdiang ïa kane ka lympung ïalehkai AFC U17 Asian Cup 2025.
Ki kyrteng jong 23 ngut ki rangïalehkai jong ka ri India ki long:
Goalkeeper: Aheibam Suraj Singh & Rohit Nandan Roy.
Defender: Karish Soram, Mohamed Kaif, Chingtham Renin Singh, Brahmacharimayum Sumit Sharma, Thoungamba Usham Singh, Yaipharemba Chingakham & Jodric Abranches.
Midfielder: Abdul Salha Shee-rgojri, Ahongshangbam Samson, Kh Azlaan Shah, Levis Zangminlun, Mahmad Sami, Manbhakupar Malngiang, Md Arbash, Ningthoukhongjam Rishi Singh, Vishal Yadav & Ngamgouhou Mate.
Forward: Bharat Lairenjam, Prem Hansdak & Hemneichung Lunkim.
