Shillong, Risaw 27
Ka Mylliem SC bad ka Lawsohtun SC ki la ïoh jingjop ha ka lympung ïalehkai First Division Football League 2024 ba la pynïaid da ka Shillong Sports Association ha ka Sngi Saitjaiñ ha SSA Stadium kaba ha Polo.
Ha ka jingïakhun kaba nyngkong, ka Mylliem ka la pynliem noh ïa ka Umphyrnai SC da 2-0 kol. Ïa kine kol la thep da u Shembhalang Langbnang ha ka minit kaba 4 bad kawei pat la pynbud da u Kevin Kurkalang ha ka minit kaba 34.
Ha kawei pat ka jingïakhun ba ar, ka Lawsohtun SC ka la pynliem noh ïa ka Nongkseh SC lyngba ka shi kol ba la thep da u Kitboklang Pale ha ka minit kaba 90+2.
