Agartala, Naiwieng:
Ka kynhun jong ki shipai Assam Rifles ha Tripura ka la ïoh ban kurup ïa ki kuli Yaba kiba shongdor `.18 Klur bad ki la kem ruh ïa ar ngut ki briew na Narangbari kaba hap hapoh West District. Ka kyrwoh khubor na ka Assam Rifles ka la ïathuh ba ha ka jingkhynra ha ka sngi shuwa jong ka Diwali, ka kynhun ki la ïoh ban kurup haduh 90,000 tylli ki kuli Yaba na ki ha ka thaiñ Narangbari.
“Ka jingïoh kurup drok kaba dang shen ka la pynlong ruh ban ïoh kem ïa ar ngut ki briew bad ka jingkurup ïa kawei ka kali”, ong ka kyrwoh khubor. Ka la bynrap shuh shuh, “Ïa ki briew ba la shah kem ryngkat bad ki drok ba la ïoh kurup la aiti noh sha u DRI, Agartala ban pynlong ïa ka jingtohkit kaba bniah.”
Ka la ong ba da kaba pyntreikam halor ka jingïohpdiang ïa ka khubor ba la pyntip, ki shipai Assam Rifles ki la pynlong ïa ka jingkhynra ha kaba ka la pynlong ban ïoh kurup ïa kitei dawai kuli Yaba. Katba ka dor ka ïapher ha ki ïew ki hat, hynrei ïa ki dawai kiba la ïoh kurup la antad ba u la kot sha ka dor kaba haduh ` 18 klur ha ki ïew bar ri.
