Tura, Naiwieng 03
U Eugene Marak, uwei na ki rangïalehkai Martial Arts ba pawkhmat ka jylla, uba la noh synñiang shibun ha kane ka jingïalehkai kaba u ieit eh da kaba ai jinghikai sha kiwei pat, u la khlad noh hynnin ka sngi, ka 2 tarik Naiwieng ha Tura, West Garo Hills ha ka rta kaba 69 snem.
U Marak uba la shongthait kum u Deputy Superintendent of Police (DSP) u dei uba la ïoh ïa ka kyrdan 5th Dan Black Belt ha ka Taekwondo. U la long u coach ba tbit bha ha ka jingïalehkai kaba u la ïoh ban khur ïa ka takma ksiar. Kane ka takma ksiar ka la wan ha ka jingïakob ha Pokhara, Nepal ha u snem 2016. U la long ruh u nongïoh ïa U Kiang Nongbah Award ha u snem 2019. U Marak u la sdang ban shah hikai naduh u snem 1979 bad lyngba ka jingtrei shitom bad aiti lut u la kiew sha ki mawjam kiba shalor ha ka jingïalehkai Taekwondo.
