Tokyo, Naiwieng:
Katkum ka kaiphod na ka tnat Japan Meteorological Agency (JMA) ba dei khmih ia ka suiñ bneng ha ri Japan, la ong ba ka Japan ha une u Risaw jong u snem 2024, ka la ioh mad ia ka jingshit kaba jur tam lada ianujor ia ka jingshit ka suiñ bneng ha u bnai Risaw jong ki phew tylli ki snem ba la leit.
Kumta, la ong ba ka jingkhluit ka suiñ bneng ha Japan ka la tam da 2.21 Degrees Celsius ia ka jingshit ka suiñ bneng kumba ju dei ban long barabor.
Katba, ha ki thaiñ Shatei jong ka Japan pat, ka jingshit ka la kiew da 1.9 Degrees Celsius. Ka jingshit kaba kham jur ka long sha ki bynta Mihngi bad Sepngi jong katei ka ri, ha kaba ka jingshit ka suiñ bneng ka la tam da 2.6 Degress Celsius ia kaba ju long baroh shi katta ki snem.
