Jowai, Naiwieng 03
Ka Mynthong ka la ïoh jingjop ha ka lympung ïalehkai 1st Division Football Tournament (Chatister Kharkongor Memorial Trophy 2024) ba la pynïaid da ka West Jaiñtia District Sports Association (WJDSA).
Kane ka nam jop ka la wan urlong hadien ba la la pynliem noh ïa ka Moosalyngkhat da 2-1 kol ha ka Sngi Saitjaiñ ha Kiang Nangbah Stadium kaba ha Jowai.
Ïa ki kol jong ka Mynthong ka thep da u Waiphrangki Shadap ha ka minit kaba 26 bad kawei pat la ïarap pynthep da u rangïalehkai ka liang pyrshah, u Soolangki Phawa ha ka minit kaba 63. Ha shwa ban wai ka Moosalyngkat ka la lah ban pynphai kylla shi kol lyngba u Hambert Dkhar ha ka minit kaba 82.
Te kumta lyngba kane ka jingshah rem ka Moosalyngkat lem bad ka Sabah Muswang ki la shah pynhiar kyrdan noh sha ka Second Division n aka daw ba kim shym la lah ban ïalehkai bha ha kane ka aïom.
Ka jingïalehkai ha ka Lah Sngi U Blei kan long hapdeng ka Mookyndur bad ka Khliehïongriang ha ka por 2 baje nohphai sngi.
