Khliehriat, Risaw 19
Ka Deinshalalu SC ka la rung sha ka quarter final ha ka lympung ïalehkai 1st Division na ka bynta ka Thomas Nongtdu Memorial Trophy ba la pynïaid da ka East Jaiñtia Hills District Football Association (EJHDFA), hadien ba ka la pynliem noh ïa ka Sutnga Mission SSCC da 3-2 kol ha ka lah sngi U Blei ha madan Diengshynrum, Khliehriat.
Ha kane ka jingïalehkai ka Sutnga Mission ka la pynkhih jar nyngkong lyngba u Elizer Slong Elizer Slong (39) bad u Flowerson Pala (80), katba ka Deinshalalu ka la thep lyngba ka penalty ba la shut da u Khmih Rymbai (52), kumjuh ha ka minit ba 87 bad Piyush Rymbai (90+3).
Haba phai sha ka Super Division (6th Kyrmen Shylla Contribution Trophy), ka Diengshynrum SC ka la pynliem ïa ka Chiehruphi SYWSC da 2-1. Ïa ki kol ka Diengshynrum la thep da u Khrehbha Lyngdoh (53) bad u Hamedao Nongtdu (57). Katba ïa ka Chiehruphi SYWSC la thep da u Samkor Lamare (90+8).
