Nongstoiñ, Risaw 19
Ka MLG- C ka la jam sha ka semi final jong ka lympung ïalehkai Mawkaton Veterans Football Tournament 2026, hadien ba ka la pynliem noh ïa ka Western Unit FC lyngba ka tie-breaker da 3-2 kol ha ka lah sngi U Blei ha madan Mawkaton.
Shuh shuh ha kawei pat ka jingïalehkai, ka 4th MLP Sohpian ka la khur ïa ka jingjop bad rung sha ka semi final ha ka Maw-katon Invitation Football Tournament.
Katei ka nam jong ka 4th MLP Sohpian ka dei hadien ba ka la lah ban pynliem noh da 2-1 kol ïa ka Kur Nonglang FC ha ka jingïakhun quarter final ka long kaba itynnad bad ïakhaid bha ha kajuh katei ka sngi.
Nangta, ha katei ka sngi u rangapkol jong ka 4th MLP Sohpian u Jonathan Kharkongor u la khur ïa ka nam Man of the Match ha kaba u Bah DNS Myrthong uwei na ki nonghikai skul u la long u kongsan bad sam ruh ïa ki khusnam.
