Jowai, Risaw 19
Ka Thadlaskeiñ Sports Association (TSA) ha ka lah sngi U Blei ka la sdang ïa ka Super Division na ka bynta ka Kesilroy Pala Memorial Football League ha madan Multi Sports Complex kaba ha Wahïajer.
Ha kane ka sngi sdang ka jingïalehkai ka la kut ha ka jingïakhaid khlem da lah ban thep kol hapdeng ka Wahïajer SC bad Sohphoh Lumphyrnai SC.
Haba phai sha ka jingïalehkai jong ka kyrdan 1st Division, ka Khliehtyrshi SC ka la pynliem noh ïa ka The A-Team da 1-0 kol bad ïa kane la thep da Chemiki Dkhar (77).
