Shillong, Naiwieng 05
Ka nongïakura na Algeria ba la tip kum ka Imane Khelif, kaba la khur ïa ka takma ksiar ha Paris Olympic kum ka kynthei, la pynthikna ba ka dei pynban da u shynrang ha kaba kane khubor ka la saphriang kylleng ha rynsan social media.
Ka Imane Khelif, ka la paw ha ki khubor ha baroh shi lynter ka jingïakhun jong ka Paris Olympics 2024 ïa kaba la suba ba dei u shynrang da kiba bun. Ka Khelif ka la lah ban khur ïa ka takma ksiar ha ka kyrdan 66 kilo jong ki kynthei wat la ka jinglong hok jong ka ban ïashim bynta ha katei ka jingïakop la ju shah kylli jingkylli ha kiba bun. Hadien katto-katne bnai ba la pynkut ka Paris Olympic, ka la sdang ban mih ka kaiphod lyngba ki doktor kaba la pynthikna ba u Khelif, ha ka jingshisha u dei u shynrang.
Ha u snem 2023, u Khelif u la shah khang ha ka International Boxing Association (IBA) ban ïashim bynta ha ka jingïakhun ban khur ïa ka takma ksiar ha ka World Championship ha New Delhi.
