Shillong, Naiwieng 11
Kum shi bynta ka jingrakhe pyndon burom ïa ka Seng Kut Snem, ka Rongbiria Seng Kut Snem Komiti, ka Seng Khasi Kmie, Mawkhar, Shillong kan pynlong ïa ka Rong Biria Seng Kut Snem 2026, ha ka 15 tarik mynta u bnai ha madan 2nd’ Ground, Polo, Shillong.
Ka jingïakob kan long ha ki ar bynta, kawei kan dei ka ïakob siat kynhun, ha kaba ka lahduh kan ïoh ïa ka song pisa kaba long T. 35,000, ka kynhun ba wan ba-ar kan ïoh T. 15,000 bad kaba wan ba-lai kan ïoh mar T. 5,000.
Haba phai sha ka ïakob siat kaba para marwei pat, u lahduh un ïoh ïa ka song pisa kaba T. 15,000, ba-ar kin ïoh T. 7,000 bad ba wan ba-lai T. 5,000.
Ka jingpdiang ïa ki kyrteng ki nongwan ïashim bynta kan sdang naduh ka por 10 baje mynstep haduh 12:30 nohphai sngi
Kumta, ka Seng Khasi Kmie ka ïalap ïawer ïa baroh ki Rangbiria ka Bri Hynñiew Trep ban wan ïashim bynta ha kane ka sngi ban pynphuh pynphieng ïa ka Rongbiria kumba la ai da ka Mei-Hukum.
Kane ka long kat kum ka kyrwoh u Rgh D.G Kharpuri, Secretary ka Rongbiria Seng Kut Snem Komiti, ka Seng Khasi Kmie, Mawkhar, Shillong.
