Mawkyrwat, Naiwieng 11
Ka Khonjoy Organising Committee ryngkat ka Garo Student’s Union (GSU) Khasi Hills Unit ha ka sngi Balang ka la pynkut noh ïa ka lympung ïalehkai phutbol ha Khonjoy, South West Khasi Hills District, ha kaba ka Dragon FC ka la rah ïa ka nam lahduh.
Ha katei ka jingïakhun phainal, ka Dragon FC ka la lah ban pynliem noh ïa ka Nonghyllam SC da 2-0 kol bad ka la ïoh ban khur ïa ka song pisa kaba T.50 hajar tyngka ryngkat ka trophy.
Ïa ka nam Best Goalkeeper la ïoh da u Recarlos Hahshah na ka Nonghyllam FC, ka nam Best Player ka leit sha u Andy na ka Dragon FC bad Top Scorer la ïoh da u Abandon Nongtnger na ka Dragon FC.
Ha katei ka sngi la ïadon lang u Bah Pius Marweiñ, MLA /MDC ka Ranikor Constituency kum u kongsan ha ryngkat ka jingdonlang u Bah Justik Hashah, Johnpaul Hashah, ki Myntri ka shnong Khonjoy A bad B bad kiwei kiwei ki riew rangbah.
