Jowai, Naiwieng 06
Ka Nongshiliang SC ka la jop da 3-1 kol ïa ka Darang SC ha ka Lower Division, katba ka Man i Bha ka la pynliem da 1-0 kol ïa ka Amutong SC ha ka Upper Division kaba la pynïaid da ka Amlarem Sub-Divisional Sports Association (ASSA) bad long ha madan mini stadium Ladjaplem ha ka Sngi Balang.
Ar tylli kiwei pat ki jingïalehkai ha ka Lower Division ki la kut noh ha ka jingïakhaid khlem don mano-mano ba ïoh pynkhih jar. Kawei ka jingïakhun ka long hapdeng ka Amjer Ruko bad ka Amsarim bad kawei pat hapdeng ka Lumpyngngad LSC pyrshah ïa ka ACP Padu.
Ïa ki lai kol jong ka Nongshiliang la thep da u Kmenlang Suting (1), Dikyrmen Swer (10) bad Emida o Surong (39), katba shikol ka Darang la thep da u Moses Ryngksai (40). Katba ka shi kol jong ka Man i Bha la thep da u Pynskem Khyriem (49).
