Amlarem, Naiwieng 11
Ka Mukhim Bro’s, Lumkyntar SC bad Amsohtai SC ki la khur ïa ka jingjop ha ka Lower Division, katba ka YFC Trangblang ka la jop ha ka Upper Division Football Tournament ba la pynïaid da ka Amlarem Sub Divisional Sports Association (ASSA) ha ka lah sngi U Blei ha Mini Stadium Ladjaplem kaba ha Amlarem.
Ha ka jingïalehkai jong ka Lower Division, ka Mukhim Bro’s ka la pynliem ïa ka Ladjaplem SC da 1-0 kol bad ïa kane la thep da u Arjun Manner ha ka minit kaba 27.
Ha ka jingïalehkai kaba bud, ka Lumkyntar SC ka la jop da 1-0 kol ïa ka Amlanai SC bad ïa kane la thep da u Wankyrpang Sumer ha ka minit kab 48. Katba Amsohtai SC pat ka la pynliem noh da 1-0 kol ïa ka Kharkana SC ïa kaba la thep da u Brightstar Tariang ha ka minit ba 48.
Haba phai sha ka jingïalehkai jong ka Upper Division, ka YFC Trangblang ka la pynliem noh ïa ka Padu SCC da 1-0 kol bad ïa kane la thep da u Seibor Siangshai ha ka minit kaba 10.
Haba phai sha ki jingïalehkai kiba la long ha ka sngi Saitjaiñ ha ka Super League, ka Seinbhalang Shkentalang ka la pynliem noh ïa ka Amlarem SCC lyngba ka shi kol ba la thep da u Sunu Dkhar (37).
Ha ka Lower Division, ka Sohkha Shnong ka la pynliem da 3-1 kol ïa ka Shmiapang YC, ka Hynriam YSC ka la jop da 2-0 kol ïa ka Amsohrhong, katba ka jingïalehkai hapdeng ka Padu Mawsku bad Mupyut Dongwah ki la kut ha ka jingïakhaid khlem da lah pynkhih jar.
