Guwahati, Naiwieng:
Ki la don palat 50 ngut ki nongshong shnong na Barpathar, kaba hap hapoh ka Sarupathar sub-district, Assam kiba la kem pang hadien ba ki la bam ïa u Prasad bad ki jingbam ba la ai ha ka jaka lehniam.
Ki khubor ki pyni ba ki riewngeit ki la sdang ban pyni ïa ki dak ki shin jong ka jingpang kpoh, kynthup ïa ka jingpang shit kaba jur, bad ka jingbaïong khlieh, ha kaba kane ka la sdang naduh ka miet jong ka Sngi Saitjaiñ.
Namar ka jingtieng ïohba ka jingdon jong ki briew ba kem pang kin nang bun, kiba bun ki la wad jingsumar mardor ha ki jaka sumar ba marjan, kynthup ha Sarupathar Community Health Centre bad ha Barpathar Health Centre.
Katkum ki tyllong khubor ba la ïohlum, la ïathuh ba ki don 18 ngut ki briew, kiba kynthup ïa 4 ngut ki khynnah, kiba dang shah sumar mynta ha ka jaka sumar ha Sarupathar.
Ki heh nongsumar ki la pynthikna ba baroh ki briew kiba shah ktah mynta ki la koit bad lait na ka jingma.
Ban pynïaid beit ïa ka jinglong jingman ha ka rukom kaba biang bad ban pynthikna ïa ka jingkyrshan kaba kloi ha ka liang ka koit ka khiah, la wanrah ïa ka jaka sumar ba shipor ha ka shnong Bachapathar, kaba bteng ban ai jingsumar ïa kito kiba shah ktah.
