Jowai, Naiwieng 11
Ka Wahïajer ka la pynliem ïa ka Shangpung Lum-iawmuchai da 4-1 kol na ka bynta ban ïoh jingjop ha ka lympung ïalehkai Super Division Football Tournament (U Kiang Nangbah Memorial Trophy) ba la pynïaid da ka West Jaiñtia District Sports Association (WJDSA) ha ka Lah Sngi U Blei ha Kiang Nangbah Stadium kaba ha Jowai.
Ha kane ka jingïakhun ka Shangpung Lumiaw-muchai ka la ïoh ban pynkhih jar nyngkong eh lyngba u Pynshrainmi S. Mannar ha ka minit kaba 14, hynrei ka Wahïajer ka la lah ban pynphai kylla lyngba u Riburom Jat ha ka minit kaba 43 na ka bynta ban ïakhaid mar shi kol ha ka kylla step.
Pynban ka Wahïajier ka la ïakhun tyngeh ha ka kylla miet ha kaba ka la thep kol biang sa lai kol lyngba u Nicky o chwa Pakma (60), u Cleverson Lyngdoh (77) bad u Heimomi Dkhar (90+1) ban khur syndon ia ka jingjop.
Ka jingïalehkai ha ka Sngi Ba-ar kan long hapdeng ka Sailung Ïalong bad ka Mukhla Raij ha ka por 11 baje mynstep.
