Shillong, Naiwieng 13
Ka Jylla ka la lah ban sei haduh hynñiew ngut ki ‘rang bad ki ‘thei heh ksah kiba la lah pynpaw ïa ka ha ka rynsan ïakob jong ka 14th WFF Mr. & Mrs. India (Hindustan) kaba la long ha Chennai naduh ka 8 haduh 10 tarik mynta u bnai ba la wan shim bynta palat 350 ngut ki nongïalehkai na kylleng ka ri India.
Ha katei ka jingïakob baroh 7 ngut ki nong-ïalehkai ka Jylla ki la ïoh jingjop ha la ki jong ki kyrdan ïalehkai, kynthup ïa ar ngut kiba la rah ïa ka nam lahduh ha ka Men’s Denim Jeans Model bad Women’s Fitness Glamour India.
U Daman Pohktai u la rah ïa ka nam Overall Champion ha ka Denim Jeans Model bad ka Kong Larisa Syiem kaba la wan ba nyngkong ha ka Women’s Fitness Glamour ryngkat u Pritam Sunar uba la wan ba nyngkong ha ka Bodybuilding below 75kgs. U Wanshai Kharchandy u la wan ba-ar ha ka Bodybuilding below 65kgs bad balai ha ka Above 40 yrs. U Wanraplang Thubru u la wan balai ha ka Bodybuilding below 75kgs. Ha ka kyrdan basaw bad basan la wan da u Pynïohladmi Pala ha ka Men’s Physique bad u Akash Choudhary ha ka Men’s Physique Tall Category.
Ïa kane ka kynhun la synran lang da u President, Bah Flanagan Kharwanlang bad u Bah Noel Tariang, General Secretary.
