Brazil, Naiwieng:
Ki bor pynïaid ka Brazil ha ka Sngi Balang ki la pyntip ba uwei u briew u la khlad noh na ka jingbthei u bom ba u la kit ha ka met la jong katba u dang pyrshang ban leit rung shapoh ka ïingbishar ba ha khlieh duh (Supreme Court) jong ka Brazil ha katei ka sngi.
Kane ka jingjia ka la wan jia ruh ha kum kane ka por, katba katei ka ri ka dang pynkhreh ban pynlong ia ka jingialang ba heh jong ka G20.
La ong ba utei u briew ha katei ka sngi, u la ialeh ban ioh rung shapoh jong katei ka ïingbishar ba ha khlieh duh jong ka ri, hynrei ka jingthmu jong u ka la pulom noh namar utei u bom ba u la kit ha ka met u la bthei noh ha ka por ba u dang shu rung na ka jaka rung jong katei ka ïingbishar.
Kumta, ia ka met jong utei u briew la ioh tam na shabar jong katei ka ïingbishar namar ka jingsied jong u ha ka por ba utei u bom u la bthei.
