Washington, Naiwieng:
U Donald Trump ha ka Sngi Palei u la thung ia u Robert F.Kennedy kum u Secretary jong ka tnat ka koit ka khiah jong ka sorkar bathymmai jong u. Ia kane u Trump u la pynbna ruh haduh ha ki Social Media ia ka jingthrang jong u ban thung ia u Robert F.Kennedy kum u heh ka tnat ka koit ka khiah jong ka ri na ka bynta ka bha-ka miat jong ka ri baroh kawei.
U Robert F.Kennedy, u dei riew ieid mariang uba la paw bha bad ai jingkyrshan tyngeh ia u Trump hapdeng ka jingiakhun ilekshon jong u pyrshah ia ka kyrtong jong ka Democratic- ka Kamala Harris.
Namar kata, u Trump u la ong ba u ngeit skhem ruh ba utei u nongialam uba u la dep jied kyrpang un lah ban pynkylla dur ia ka rukom sumar bad ia ka tnat sumar ha ka ri baroh kawei.
