Shanghai, Naiwieng:
U nongrah ktien ka China sha United States, Xie Feng haba ai jingkren ha Hong Kong ha ka Sngi Thohdieng u la ong ba ka China ka kloi ban iatrei lang bad ban long ruh ka paralok ba jan jong ka United States.
Nalor kane, u Feng u la ong ba ka China kam shym don jingmut ne thmu ban shim ia ka jaka jong ka United States ha ki liang baroh la ka long ha ka ioh- ka kot ne khaii-pateng hynrei ka (China) kwah tang ban ia kyntiew mar kylliang ha baroh ki bynta.
Shuh shuh u la ong ba ka China bad ka US kim long nongwei shuh hynrei ki la ju iatreilang naduh ki por ba la leit. Kumta ruh ha kane ka por, ka China ka kloi ban iatreilang bad ka US kam pher la ka US ka la kylliang ne pynkylla nongialam ne kylliang sorkar noh katkum ka jinglong-jingman jong ka ilekshon ba la dep.
