Shillong, Naiwieng 19
Ka Honduras ka la shah bthah ba kan ïakhun ha ka jingïalehkai ka ban wan ha ïing hapoh ka stadium kaba thylli hadien ba u Coach jong ka Mexico u Javier Aguirre u la shah kawang da ka tin ‘beer’ na khlieh ha ki paidbah kiba ïeng na jaka shong hadien ka jingïakhun jong ka CONCACAF Nations League mynshem taïew.
Ha kane ka jingjia u Aguirre u la mynsaw ha ki bynta jong ka khlieh ryngkat ka snam kaba tuid katba u dang ïaid ban khublei kti bad u paralok jong u Reinaldo Rueda hadien ka jingïa-lehkai jong ka wat ba nyngkong (1st leg) jong ka Nations League ha San Pedro Sula ha ka Sngi Thohdieng.
Na ka liang ka CONCACAF, kaba dei ka synjuk ba peit ïa ka phutbol ha North bad Central America, ka la ong ha ka Lah Sngi U Blei ba ka synjuk jong ka Honduras ruh ka la shah daiñ kuna hadien ka jingbym lah jong ka ban pyntreikam ïa ka jingpahara kaba biang ha ka por ba ka la jop da 2-0 ha la ïing ïa ka Mexico.
Ka Disciplinary Com-mittee ka la rai ba ka Honduran Football Fede-ration ka dei ban ïalehkai ïa ka jingïalehkai jong ki ha la ïing hapoh ka stadium kaba thylli,” la ong ka kyrwoh.
Ka komiti ka la plie ïa ka mukotduma ba kyrpang ban tohkit ïa ka jingleh jong u Aguirre ha ka jingïalehkai, ka la bynrap.
