Saipung, Naiwieng 26
Ka Lamyrsiang SCC ka la ïoh jingjop ha ka lympung ïalehkai Super Division Football Tournament ba la pynïaid da ka Saipung Block Sports Association (SBSA) hadien ba ka lah ban pynliem noh ïa ka Jalaphet Bri Sumer da 2-1 kol ha madan Lamyrsiang.
Ha kane ka jingïakhun baroh ar kynhun ki la pyrshang ban ïakhun tyngeh naduh kaba sdang, hynrei ha kum kane ka jingïakhun ka Lamyrsiang ka la ïoh ban pynkhih jar nyngkong eh lyngba u Jeffrey Surong ha ka minit kaba 29. Hadien shiteng kynta ka Jalaphet ka la lah ban pynïakhaid kylla lyngba u Hawnilang Dkhar ha ka minit kaba 37.
Ha shwa ban kut ka jingïalehkai ka Lamyrsiang ka la thep ïa ka kol ba ar bad kaba khatduh lyngba u Edamon Pakem ha ka minit kaba 90+ na ka bynta ban ïoh syndon ïa ka jingjop.
