Washington, Naiwieng:
Ka White House na United States, ka la ong ba ka Ukraine ka donkam shuh shuh kham bun ki shipai, ym tang ki tiar ïakhun khnang ba kan lah ban jop pyrshah ia ka Russia.
U President ka Ukraine- u Volodymyr Zelensky ruh u la ong ba ka Ukraine ka la hap ban pynhiar noh ia ka rta pynrung kam shipai ia ki paidbah hapoh ka ri na ka 25 snem ba ju buh, sha ka 18 snem, khnang ba kan iarap ban pynbun bad pynkhlaiñ ia ka jingdon ki shipai ïada hapoh ka ri khamtam ha kum kane ka por ba ka Ukraine ka hap ban ïakhun tyngeh ia ka Russia ha kane ka thma kaba la neh kumba 3 snem mynta.
Kane ka khubor ka long kum ka dak jong ka jingbym lah shah shuh jong ka US bad ki paralok jong ka Ukraine halor ka jingbym lah jong u Zelensky ban pynrung kam shipai ia ki samla ka ri naduh ka rta kaba dang kham rit. Hynrei, utei u nongialam ka Ukraine u la ong ba um sngew dei ban pynrit ia ka rta pynrung kam shipai hapoh ka ri kumba la ai jingmut da kiwei pat ki ri bad ki nongialam ka pyrthei.
