Japan, Naiwieng:
Ki pulit ka Japan ha ka Sngi Balang ki la iathuh ba ki la ioh ban kem noh ia uwei u briew uba mlien ban leit rung jubor palat 1,000 tylli ki iing briew kiba um don jing-ithuh tang ban ioh pynjahthait na ka jingktha khlieh bad jingbun jingmut-jingpyrkhat.
Na ka liang ki pulit ki la kem noh ia utei briew, 37 snem ka rta, bad la rah ia u ban ioh tohkit bniah halor katei ka jingleh be-aiñ jong u ha ka thaiñ Dazaifu jong ka Southern Japan.
Namar utei u briew u la phla hok ba ka jingsngewtynnad jong u ka long ban ioh leit rung sha ki iing briew bad ba u la leh ruh ia kane la palat 1,000 sien bad um don jingsngew pher eiei shuh haba u leit rung sha kano-kano ruh ka iing tang ban pynsngewbha ialade.
Utei u briew u phla ruh ha ki pulit ba lada u ioh ban rung tuh ha iing briew, u dap da ka jinglyngngoh bad jingsyier ruh ha kajuh ka por ioh don ba wan lap hynrei ki jingmut jingpyrkhat na ka khlieh jong u ruh ki la jah lut lada u ioh ban leh kumtei.
