Ohio, Nohprah:
Ha kane ka khubor, la ong ba kawei ka khynnah kynthei kaba dang 6 snem ka rta na Ohio ka la kyrpad ïa la u kpa ban ym pynmynsaw ïa ka ha ka por ba utei u rangbah u poi sha ka jingïakynad kaba jur bad ki pulit bad ha katei ka por katei ka khynnah ka la kren ia ki kyntien kiba ong ba kam pat kwah ban poi bneng khlem dei por.
Namar la ong ba ha ka 11tarik u Naiwieng, 2024, U Charles Ryan Alexander, 43 snem, u la rahbor ia la ka khun ka Oaklynn na iing jong ka kmie ieid jongka na ka nongbah Ohio. Hynrei la ong ba namar u Alexander um don ïa ka hok ban ri ia ka khun, ki bor synshar ki la pynmih ïa ka jingpynbna ban phah thwet bad phah kem ia utei u rangbah. Ha katei ka jingleit buddien bad jingthwet jong ki pulit ka la poi pynban sha ka jingïakynad kaba jur hapdeng para ma ki ha ka thaiñ jong ka Medina County ha ka nongbah Ohio.
Ki bor pynïaid ka Medina County ki iathuh ba utei u rangbah bad katei ka khynnah, ki leit poi sha katei ka dong da kawei ka kali, ha kaba ki pulit ki la leit ban pynsangeh bad ban iakren bad utei u rangbah. Pynban la ong ba namar ba utei u rangbah u don ia ka tiar siat bad
kumta u la pyn-eh ia ka jingkyntu jong ki pulit ban aiti noh ia katei ka khynnah sha ki bad kane ka la wanrah ruh ia ka jingiakynad kaba jur hapdeng hapdeng para ma ki haduh ba kin da poi sha u pud ba kin hap ban siat ia u, bad ka long kaba sniewbok pat ba utei u rangbah u la khlad noh shisyndon na ka jingksam ki kuli ba la siat da ki pulit ha katei ka jingjia.
