Haduh 480 sien ther bom ka Israel sha Syria tang hapoh 48 kynta

Ka tnat shipai Israel ha ka Sngi Ba-ar, ka la pyntip ba ka la ioh ban leit thombor haduh 480 sien siat sha ki bynta jong ka Syria tang hapoh jong ki 48 kynta.

Jerusalem, Nohprah:

Ka tnat shipai Israel ha ka Sngi Ba-ar, ka la pyntip ba ka la ioh ban leit thombor haduh 480 sien siat sha ki bynta jong ka Syria tang hapoh jong ki 48 kynta.

La ong ba ki shipai ka Israel tang hapoh jong kitei ki 48 kynta ba la leit, ki la ioh ban leit thombor kput ia ka Syria bad kitei ki jingleit thombor ka Israel ki kynthup ia 15 tylli ki jhad iapom jong kitei ki lehnoh, ki ‘Anti-Aircraft’ bad kiwei de ki shlem pynmih tiar thma jong ki lehnoh ka Syria kiba don ha kitei ki bynta ba ka Israel ka leit thombor.