Em, ym don briew kiba ïohi ïa u Blei mynno mynno ruh. Namar U Blei u long u syiem bymjukut, u bym ju ïap, u bym lah ïohi (I – Timothi 1 : 17). Ngi don ha ki balang bapher bapher ruh ngim lah ban ïohi ïa u Blei. Namar u Blei u long u Mynsiem. Ngi shu ïa phla bad ïaroh ïa u hynrei ngim lah ban ïa kynduh ïa u. Namar ha khmat u Blei ym don jingïapher ei ei kum para briew.
Namar uno uno baroh u ban khot kyrpad ïa ka kyrteng U Trai yn pynim ïa u. Bad ym dei tang kiba don ha ki kynhun balang ne ki niam kiba ïoh ïa u Blei. Namar wat lada ngi long niam ne ngim long niam ruh ka jingkut ka jongngi ki briew ka long ka jingïap keiñ. Namar ym don uba lah ban lait na ka jingïap kaba u nongthaw nongpynlong u la buh.
Namar baroh ki la leh pop bad ki la duh lehnohei ïa ka burom ka jong u Blei. Namar ka shithi u Paul u Apostol sha ki Nong Rom ka ong, ym don uba hok, em, em don uwei ruh ym don uba shemphang ym don keiñ uba wad ïa u Blei baroh ki la ïa sakma noh (Rom 3 : 10 – 12). Ka dei ruh ka jingïathuhlypa u Isaiah shaphang jongngi ki briew kiba mane ïa u Blei man ka sngi Sunday. Hynrei la ong kine ki briew ki burom ïa nga da la ka rmiang shyntur hynrei ka dohnud jong ki te ka jngai na nga hynrei ki mane thala ïa nga haba ki hikai ki jinghikai ïa ki hukum jong ki briew, naba haba ki ïehnoh ïa ka hukum u Blei (Markos 7 : 7). U Blei um long kim don Blei shuh. ïa ki la leit buh hapoh ka dewmet namar kim don jingim shuh. Wat ïa phi don hangno hangno ruh phim lah ban buhrieh na ka kti jong u Blei nongthaw nongpynlong ïa ngi ki briew.
C. B. Iawphniaw
