Shillong, Nohprah 20
Ka Para Athletics World Championships, kaba heh tam ha ka pyrthei kan long naduh ka 26 tarik Nailur haduh ka 5 tarik Risaw 2025 ha Jawaharlal Nehru Stadium, ka ban pynlong ruh ïa ka World Para Athletics Grand Prix ha ka sien kaba nyngkong ha u Lber ban wan.
La shem snem ka Para Athletics World Championship kan long ha New Delhi, kaba dei ka sien ba nyngkong ban pynlong ïa kane ka lympung ha India, la pynbna ka World Para Athletics (WPA) ha ka Sngi Palei (19 tarik Nohprah).
Ka Para Athletics World Championships, kaba dei ka jingïalehkai Para sport kaba heh tam ha ka pyrthei, kan long ha Jawaharlal Nehru Stadium naduh ka 26 tarik Nailur haduh ka 5 tarik Risaw 2025. Ka New Delhi 2025, kan dei ka sien kaba 12 jong kane lympung ïalehkai bad sien basaw ba la pynlong ha Asia, hadien ka Doha 2015, Dubai 2019 bad Kobe 2024.
In addition, WPA announced that the Indian capital will host a World Para Athletics Grand Prix for the first time next year. Scheduled to take place from 11 to 13 March also at the Jawaharlal Nehru (JLN) Stadium, the event will give fans an early opportunity to experience the excitement of Para athletics ahead of the World Championships.
Haba bynrap, ka WPA ka la pynbna ba ka nongbah India kan pynlong ïa ka World Para Athletics Grand Prix ha ka sien nyngkong ha u snem ban wan. La buh ban long naduh ka 11 haduh ka 13 tarik Lber ha madan Jawaharlal Nehru (JLN) Stadium, kane ka jingïalehkai kan ailad kloi ïa ki nongkyrshan ban shemphang bad pynkhih jingmut ïa ka ‘Para athletics’ shaphrang jong ka ‘World Champions’.
U Paul Fitzgerald, khliehduh ka World Para Athletics, u la ong kumba la shim na ka jingpynbna pathai khubor jong ka World Para Athletics: “Ngi sngewkmen ban pynbna ba ïa ka jingïakhun bathymmai bad heh jong ka Paralympic cycle sha Los Angeles 2028 yn pynlong ha New Delhi. Ka Para Athletics World Championship 2025 kan dei ka jingïalehkai Para sport kaba heh ha ka pyrthei ka ban sa long ha India, kaba pyni ïa ka lad kaba khraw ban pynroi ïa ka jingïalehkai jong ngi, ïa ki nongkyrshan jong ngi, bad ban ktah ïa ka jingsngew ha ka imlang sahlang shaphang ki briew kiba don jingduna ha ki dkhot met ha ka jaitbynriew kaba bun briew tam ha ka pyrthei.”
“Ka India ka dei kawei na ki nuksa ba bha tam jong ka jingroi bad jingkiew jong ka Para athletics ha kine phew snem ba la dep. Na ka jingjop ar tylli ki takma rupa ha ka World Championship ha Doha 2015 haduh ban ïoh 17 tylli ki takma – kynthup hynriew ki takma ksiar – mynta u snem ha Kobe, ka jingkiew shaphrang ka paw shai. Kane ka jingjop ka phalang ïa ka kam jong ka National Paralympic Committee ka India bad ka jingbei tyngka ha ka jingïalehkai, khamtam ka jingïalehkai jong kiba duna dkhot met ha ka ri. Ngi la sakhi ïa ka jingkiew ha ki jingïalehkai kiba heh ki lah ban don bad ïa ka pateng kaba ki lah ban pynlong ïa ki jingïalehkai ‘Para’ kiba kham paw bad ba lah ban ïoh da baroh. Ngi ngeit ba kane ka lah ban jia ha New Delhi bad ngi khmih lynti ban pdiang sngewbha ïa ki nongïalehkai ba tbit tam jong ka pyrthei sha India ha u snem ban wan.”
Ha ka kyrwoh, ka National Paralympic Committee of India (NPC India), ka ong, “Ka NPC India ka sngew khraw ban pdiang ïa ka Para Athletics World Championships ha ka sien kaba nyngkong eh ha India. Kane ka lympung ba pawnam ka dei ka dak kaba kongsan ha ka jingïaid lynti jong ka India ban long ka ri ha ka pyrthei kaba khlaiñ bor ha ki kam ïalehkai bad ka pynkhlaiñ ïa ka jingthmu jong ngi ban pynlong ïa ki jingïalehkai Olympic bad Paralympic jong u snem 2036.”
Kane lympung badonburom kan ym kyntiew tang ïa ka kyrdan jong ka India ha ka map ïalehkai ka pyrthei hynrei kan don ruh ka bynta kaba kongsan ban pynsted ïa ka jingïalehkai Paralympic ban nang paw hapoh ka ri. Da ka jingbun briew kaba palat 60 million ki briew ryngkat kiba duna dkhot met, kane ka lympung ka dei ka sienjam kaba kongsan ha ka ban pynroi ïa ka jingïatylli, ban pynkupbor ïa ki nongïalehkai, bad ban pynïar ïa ki lad ki kabu na ka bynta ki nongïalehkai kiba don jingduna ha ki dkhot met.
“Ngi sngew khih jingmut ban pdiang sngewbha ïa ki nongïalehkai, ki coach, bad ki nongpynïaid na kylleng ka pyrthei ban pyni ïa ka jingroi jong ka India ha ka liang ka jingïalehkai ‘Para’. Kane ka lympung ïalehkai kan long kum ka jingpynshisha ïa ka jingkiew jong ka India, kaba ïadei bad ka jingthmu jong ka “New India” kumba la pynksan da u Myntri Rangbahduh ka ri, u Narendra Modi,” la bynrap shuh shuh ka kyrwoh.
Palat 1000 ngut ki nongïalehkai na palat shispah tylli ki jaitbynriew ki la ïashim bynta ha ka sien kaba khatduh jong ka jingïalehkai ha Kobe, Japan, ha u Jymmang. Ka China ka la wan hakhmat ban ïoh khur takma da 33 tylli ki takma ksiar bad 87 tylli ki podium, katba ka India pat ka wan ha ka sien kaba nyngkong ha ka kyrdan ba hynriew.
