Jowai, K’Lyngkot 03
Ka Jalapang ka la long ka lahduh ha ka Inter Dong Football Tournament ba la pynïaid da ka Wahïajer Sport Club, hadien ba ka la pynliem noh ïa ka Lumbhahdakha da 4-0 kol ha ka jingïakhun final kaba la long ha ka sngi Thohdieng ha Wahïajer Sports Complex.
U Reform Pale u la ïoh ïa ka hat-trick (23, 46 & 67), katba ïa ka shi kol la thep da u Sauni Phawa (13). Kumta u Reform Pale u la ïohpdiang ïa ka khusnam ‘Top scorer’ da kaba thep 7 kol ha kane ka lympung.
Ïa ka kyrdan ba lai (Third place) la ïoh da ka Mainroad hadien ba ka la pynliem ïa ka Ïawpynsin lyngba ka tie-breaker. La wan shim bynta ha kane ka lympung da 8 tylli ki dong jong ka shnong Wahïajer.
