Shillong K’Lyngkot 12
Ka Meghalaya Cricket Associa-tion (MCA) hapoh ka jingïalam u President, u Nababrata Bhatta-charjee ka leh burom na ka bynta u Secretary bad u Treasurer ba donburom, u Devajit Saikia bad u Prabhtej Singh Bhatia, ha ka Sngi U Blei hadien ba la pynbna thikna ïa ka jingshahjied jong ki.
Ka jingïalang bah ba kyrpang (Special General Meeting-SGM) jong ka BCCI, ka la long ha ka Sngi U Blei ha Mumbai ban pyndap ïa kitei ar tylli ki kam ba la thylli, hadien ba ki nongbat mynta, u Jay Shah bad u Ashish Shelar, ki la shimti ïa ki kam ba thymmai kum u Chairman jong ka International Cricket Council bad kum u Myntri sorkar jong ka Maharashtra. U Saikia uba la long mynshwa u Joint Secretary ka BCCI u la shah jied khlem don ba ïaleh pyrshah ryngkat bad u Bhatia uba dei ruh u dkhot jong ka Apex Council.
U Bhattacharjee u la ai ïa ka sopti tynrai Khasi, ka jymphong, bad ka shawl Ryndia sha uwei-pa-uwei. Ïa kane ka jingleh burom la pdiang sngewbha ha kaba u Shah u la kdew kyrpang ha ka jingkren ïa ka.
