Lyngba ka tie-breaker jop ka Golden Lion & Namrhenlang-I ha Pdengshakap

Haba phai sha kawei pat ka jingïalehkai kaba bud, ka Namrhemlang-I FC ka la pynliem ïa ka Umphrup SC da 9-8 kol lyngba ka tie-breaker.

Jowai, K’lyngkot 13

Ka Golden Lion bad Namrhenlang-I ki la ïoh jingjop ha ka 11th Secondary School Invitation Football Knock-Out Tournament ba la pynïaid da ka Dorbar Shnong Pdengshakap ha ka 11 tarik mynta u bnai ha madan Pdengshakap.

Ha kane ka jingïakhun, ka Golden Lion FC na Rymbai ka la pynliem noh ïa ka Kner Sungoh FC lyngba ka tie-breaker da 5-4 kol hadien ba kim shym la lah ban thep kol haduh kaba kut jingïalehkai.

Haba phai sha kawei pat ka jingïalehkai kaba bud, ka Namrhemlang-I FC ka la pynliem ïa ka Umphrup SC da 9-8 kol lyngba ka tie-breaker.

Haduh kaba kut jong 90 minit kine ki kynhun ki la ïakhaid mar 1-1 kol. Ïa ka kol kaba nyngkong na ka bynta ka Namrhenlang-I FC la thep da u Dongmi Surong ha ka minit kaba 35, hynrei dei ha ka kylla miet ba ka Umphrup SC ka la lah ban pynphai kylla lyngba u Mang (53) na ka bynta ban ïakhaid mar shi kol.

Kane ka lympung kan bteng biang ha ka 15 tarik hapdeng ka Golden Lion Syndai FC pyrshah ïa ka 7 Wasa United ha ka por 12 baje mynsngi, katba ka YFC Trangblang ïa ka DC ha ka por 2 baje nohphai sngi.