Shillong, K’lyngkot 14
Ka Meghalaya Body Builders’ Association (MBBA) ka la sei ïa ar ngut ki nongïalehkai ban leit shim bynta ha ka rynsan pyni dohksah ba la tip kum ka 16th Senior Bodybuilding and Physique Sport Championship 2025, kaba la sdang naduh 14 bad kut ha ka 16 tarik mynta u bnai ha Belagavi, Karnataka.
Kine ki long u Samewan Paswet (55kg) bad ka Priyanka Kharsanngap (height 159 cm Model Physique), katba u Sujit KR Das kum u Coach bad Team manager.
Ïa kane ka rynsan ïalehkai la pynlong da ka Rotary Club of Belgaum bad ka Belgaum Sports Club ha ryngkat ka jingïasnoh kti lang bad ka Karnataka Association of Body Builders hapoh ka jingkhmih ka Indian Body Builders Federation.
