Shillong, K’lyngkot 16
Ka Indian Olympic Association (IOA) Adhoc Committee for Tripura ha ka 13 tarik mynta u bnai ka la aiti ïa ka kaiphod sha ka President ka IOA ka Dr. P.T Usha.
Lah ban pynkynmaw ba la thaw ïa ka Adhoc Committee kaba don lai ngut ki dkhot kiba kynthup ïa u Bah John F. Kharshiing, Working President ka Meghalaya State Olympic Association kum u Chairman, u Robert R Royte, President ka Mizoram Olympic Association, bad u Bamang Tago, Secretary General jong ka Arunachal Olympic Association kum ki dkhot.
Ïa kane ka komiti la bthah ban tohkit ïa ki jingkynnoh halor ka jingpynïaid bakla, ka jingbamsap jong ka Tripura State Olympic Association (TSOA) bad ban aiti ïa ki jinglap jong ka ryngkat bad ki jingai jingmut sha ka President ka IOA.
Kham mynshwa ïa ka kaiphod na ka IOA Adhoc Committee na ka bynta ka Tripura la aiti ryngkat bad ki jingshem bad ki jingai jingmut jong ka lyngba ka email ha ka 7 tarik mynta u bnai sha ka President ka IOA.
