Jowai, K’Lyngkot 16
Ka Nongkhroh rim, Maya SC bad Onfroy United ki la khur jingjop ha ka Thadlaskeiñ Football League ba la pynïaid da ka Thadlaskeiñ Sports Association (TSA) ha ka sngi Palei ha Mini Stadium Wahïajer.
Ha kane ka jingïakhun ka Nongkhroh rim ka la pynliem noh ïa ka Umjlasiaw lyngba ka shi kol ba la thep da u Rahbok Synnah ha ka minit kaba 7.
Ha ka jingïalehkai kaba bud, ka Maya SC ka la pynrem ïa ka Ryntih Mynsngat lyngba ka shi kol ba la thep da u Dawhoi Dhar ha ka minit kaba 16.
Haba phai sha kawei pat ka jingïalehkai, ka Onfroy United ka la jop pynliem ïa ka Mukhla Veteran da 2-1 kol. Ïa ki kol jong ka Onfroy United la thep da u Leading Shiwat (11) bad Masan Shiwat (44), katba ïa ka Mukhla Veteran la thep da u Ricky Sari (22).
Ka jingïalehkai ha ka sngi Thohdieng kan long hapdeng ka Grounded FC pyrshah ïa ka Nartiang SC (10 AM), Tyrshang ïa ka Tyllilang-i Moobakhon (12PM)bad ka Nongkhroh Sohbar ïa ka Tympang SC Ïongshiwiat (2PM).
