Nongstoiñ, K’Lyngkot 19
Ka Ri Khasi Sepngi Federation (RKSF) ka la ai khublei kitbok kitrwiang ïa ki samla kynthei bad shynrang jong ka West Khasi Hills District ki ban leit shim bynta ha ka 6th Meghalaya Game 2025 ha West Jaiñtia Hills.
Ha ka kyrwoh khubor ba la phah da u President samla Mawkordor Kharsyiemlieh, u la pynpaw da kaba ong ba “Ngi phah ka khubor jingkyrshan kaba pura na ka bynta ka jong phi ba phin wanrah ka nam bad ka burom ïa ka dong bad ka thaiñ hi baroh kawei”
Shuh shuh, u la ong ruh ba ka seng hi ka ai kitbok kitrwiang ïa baroh ki nongïashim bynta, ki coach baroh, ba lyngba ka don ryngkat jong U Blei phin ïoh ïa ka met kaba koit kaba khiah krat bad ba phi lah ban ïashim bynta ha katei ka lympung.
