Washington, K’lyngkot:
U President ban sa long jong ka US- u Donald Trump, ha ka Sngi Palei u la ong ba ka jingiabeit hapdeng ka Israel bad ka Hamas ha kane ka por, kam ym jin da la jia lada ym dei na ka jingtrei shitom jong u bad ka kynhun jong u.
Namar la ong ba ia katei ka jingtyrwa ban sangeh iasiat bad ban ia pyllait briew markylliang, la pynap sa tang ia ka rai bad ka jingmynjur na ka iing Myntri jong ka Israel, ha kaba ka iing Myntri jong ka Israel ha ka step Sngi Saitjaiñ ka la ai jingmynjur haba iadei bad katei ka jingtyrwa sangeh iasiat bad ban ia pyllait briew markylliang.
