Jowai, K’lyngkot 22
Ka Wandalang Magdalene Malngiang na East Khasi Hills ka la rah ïa ka nam ‘Best Gymnast Overall Championship’ ha ka 6th Meghalaya Games kaba dang ïaid shakhmat ha ka nongbah Jowai.
Kane ka ‘thei ïalehkai ka la khur ar tylli ki takma ksiar ha ka Gymnastic Floor Exercise bad Balancing Beam bad ka la khur ruh ïa ka takma rupa ha ka Vaulting Table jong ka kyrdan Senior Girls.
Haba phai sha ka resol jong ka Senior Boys, u Darren Teinam Khonglam u la khur ar tylli ki takma ksiar ha ka Floor Exercise bad Yaulting Table (8.40 point bad 10.20 point), kumjuh u Atharva Dixit na East Khasi Hills u la khur ïa ka takma rupa ha baroh ar tylli ki jingïakhun (8.20 bad 7.80 point), katba u Nathaniel Malngiang na East Khasi Hills u la khur ïa ka takma rnong ha baroh ar tylli ki jingïakhun (4.20 bad 6.20 point).
Ha ka kyrdan Mini Boys, u Aibanlang Khongphai na East Khasi Hills u la khur ïa ka ksiar ha ka Floor Exercise (3.80 point), u Emmanuel Mankhraw Malngiang na East Khasi Hills u la khur ïa ka takma rupa (3.00 point), bad u Bawanshwa Lyngdoh na East Khasi Hills u la khur ïa ka rnong (2.90 point).
Ha ka Women’s Gymnastics jong ka kyrdan Sub Junior Girls, ka Wansaphi Bernadette Malngiang na East Khasi Hills ka la khur ïa ka takma ksiar ha ka Floor Exercise (5.80 point), ka Wansuk Mery Susngi na East Khasi Hills ka la khur ïa ka takma rupa (5.20 point) bad ka Sa-I-Bakor K Tariang na EKH ka la khur ïa ka takma rnong (4.90 point).
Ha ka Vaulting Table, ka Sa-I-Bakor K Tariang ka la khur ïa ka ksiar (7.20 point), ka Wansuk Mery Susngi ka la khur ïa ka takma rupa (6.20 point), bad ka Wansaphi Bernadette Malngiang ka la khur ïa ka takma rnong (6.00 point). Na ka bynta ka Balancing Beam ka Wansuk Mery Susngi ka la khur ïa ka ksiar (8.40 point), ka Wansaphi Bernadette Malngiang ka la khur ïa ka takma rupa (6.20 point), bad ka Raffellia Malngiang ka la khur ïa ka takma rnong (6.10 point).
Ha ka Junior Girls, ka Josephine Isabel Warjri na East Khasi Hills ka la khur ïa ka takma ksiar ha ka Floor Exercise (9.50 point), ka Bakmenhun Shangpliang na East Khasi Hills ka la khur ïa takma rupa (7.90 point), bad ka Athilia Susngi na East Khasi Hills ka la khur ïa ka takma rnong (6.21 point). Ha ka Vaulting Table, ka Bakmenhun Shangpliang ka la khur ïa ka takma ksiar (10.50 point), ka Josephine Isabel Warjri ka la khur ïa ka takma rupa (10.40 point), bad ka Daniella Ameda Wahlang ka la khur ïa ka takma rnong (6.50 point). Na ka bynta ka Balancing Beam, ka Bakmenlang Shangpliang ka la khur ïa ka takma ksiar (6.60 point), ka Josephine Isabel Warjri ka la ïoh ban khur ïa ka takma rupa (4.80 point), bad ka Edeva Synnah ka la kamai 4.70 point.
Ha ka Senior Girls, ka Wandalang Magdalene na EKH ka la khur ïa ka takma ksiar ha ka Floor Exercise (10.20 point), bud sa ka Agnes Lyngdoh na East Khasi Hills kaba la ïoh ïa ka takma rupa (5.40 point), bad ka Larihun Generosa Malngiang na East Khasi Hills ka la ïoh takma rnong (4.40 point). Ha ka Vaulting Table ka Balasiewdor Malngiang ka la khur ïa ka takma ksiar (7.40 point), ka Wandalang Magdalene ka la khur ruh ïa ka takma rupa (7.20 point), bad ka Larihun Generosa Malngiang ka la khur ïa ka takma rnong (2.40 point). Na ka bynta ka Balancing Beam, ka Wandalang Magdalene Malngiang ka la khur ïa ka takma ksiar (5.40 point), ka Catherine Kavela Marbaniang na East Khasi Hills ka la khur ïa ka takma rupa (3.10 point), bad ka Agnes Lyngdoh ka la khur ïa ka takma rnong (2.90 point).
Ha ka kyrdan Mini, ka Ruffina Malngiang na East Khasi Hills ka la khur ïa ka takma ksiar ha ka Floor Exercise (7.90 point), ka takma rupa ka leit sha ka Iwandakmen Lyngkhoi na East Khasi Hills (7.60 point), bad ïa ka rnong sha ka Bimiksa Pangmae D Sangma na West Garo Hills (7.20 point). Na ka bynta ka Balancing Beam, ka Ruffina Malngiang ka la khur ïa ka takma ksiar (5.20 point), ka Bimiksa Pangmae D Sangma ka la khur ïa ka takma rupa (4.10 point), bad Adel Risa Malngiang na East Khasi Hills kala khur ïa ka takma rnong (3.10 point).
