Beijing, K’lyngkot:
Kawei ka tymmen nong China, la ong ba la shah thok bad duh ei haduh kumba 66 lak tyngka ka pisa (5,60,000 Yuan) hapdeng 2 snem hadien uwei u briew u la pynbiej bad kam kmie ia ka ban dawa pisa, da kaba thok ba u dei u khun jong ka. Ia katei ka tymmen la ju khot ieid da ka ‘Tang’, ka la don kumba 70 snem ka rta bad ka dei kaba dang shong marwei bad kam don khun hi ruh ha ka por ba ka shah pynbiej ha utei u briew lyngba ka jingithuh ‘online’.
Ia utei u briew pat la ithuh kum u Mao, uba sah ha ki bynta Shatei-mihngi jong ka China ha ka thaiñ Shaanxi, uba la kam ialade ba u long u nongiarap ban pynlah die ia ki jingdie jong ki nongdie ki bym da lah dor bad u kam ruh ialade ba u la lah ban wanrah jingsuk ia kiba bun ki longïing ha katei ka ri.
Hynrei dei ka khun-ruit jong katei ka tymmen, kaba lap ia ka jingphah pisa sop-sop jong katei ka tymmen sha utei u nongwei uba ka shu ia ithuh ‘online’ bad kaba la pynpaw pyrthei ia kane ka kam thok jong utei u runar.
