Houston, Naitung:
Uwei u nong Mexico uba la shah siat ïap ha u ophisar jong ka tnat Immigration & Customs Enforcement ha ka nongbah Houston, um shym la don kano kano ka jingshah pynngat ha ki phew snem ba u la sah ha US bad u dang pynïaid kali ïa ki nongtrei sha ka jaka shna ïing ha ka por ba u la shah pynïap, la ïathuh ka longïing jong u bad kawei ka nongïalam jong ka Texas ha ka sngi thohdieng.
U Lorenzo Salgado Araujo, u dang trei na ka bynta ban ioh ia ka kyrdan ain ha US bad u tip ia kaei kaba un leh lada shah khang ha ka ICE, ong u khun jongu.
Ki heh sorkar pdeng ki la iathuh ba ki dang pynsangeh ia katei ka kali ha ka jingpynjari ain ia ki nongwan buhai shnong. U Ronaldo Salgado u la ong ba u kpa jong u lehse u la sheptieng ba ki briew kiba shong ha ki kali bym don dak ki wan ban tuh ïa ki tiar kiba u la pyndonkam la 35 snem ban shna ïing khnang ba un lah ban phah pule ïa ki lai ngut ki khun shynrang jong u kiba dei na America sha ka kolej.
“Um dei hok ban iap. Um dei hok ban shah pynduna sha ka khlieh khubor jong u briew na Mexico uba shah siat bad shah pyniap ha ka ICE. U dei hok ban im ka jingim kaba suk kum u Lorenzo Salgado Araujo, u tnga, u kpa bad u nongthaw kam na ka bynta ki phew ngut ki shynrang kiba kwah ruh ia ka jingphohsniew jong ka America,” la ong u Salgado.
Kane ka jingshah siat ka la jia ha ka sngi thohdieng ha Magnolia Park, ka dong kaba la long ka jaka pdeng jong ki nong Mexico American kiba don ha Houston la shispah snem kynthih. Ha ka miet jong ka sngi Thohdieng, da ki spah ngut ki briew ki la iaid lyngba ia ka dong da kaba pyrta “ICE na Houston!”
U Salgado Araujo u la shah siat hadien ba u la leh klet ia ki hukum bad pyrshang ban siat ia u ophisar uba la siat ia ka suloi jong u ban iada ialade, la iathuh ka tnat pahara ri ha ka sngi Balang. Ki ophisar jong ka ICE ki la thmu ia u namar ba u sah ha katei ka ri khlem ka jingbit jong ka ain, ong ka tnat, kaba peit ia ka ICE. Ka kali jong utei u briew ka la tynrah ia ka kali ICE, la bynrap shuh shuh ka tnat.
Ka Democratic Rep ka US, ka Sylvia Garcia, ka ong ba U Salgado Araujo, um don kano kano ka jingshah pynngat ha ki kam runar.
Ki nongpynlip ding jong ka Houston ki la iathuh ba u la shah siat ha ka kpoh. U la khlad noh ha kawei ka Hospital.
Lai ngut kiwei pat ki briew, ki la paw ba ki shah kem, katba u Salgado Araujo, u dang thiah lynniar ha madan, ong u khun jongu, uba la ong ba uwei na ki, u dei u kpa jongu.
U Daniel Tirado, u dei uwei na kiwei pat ki shynrang, kiba don ha katei ka van bad u la phone lyngkot ia ka tnga jongu, ban iathuh ba ki shah bud, ong ka Juana Degollado, ka khun ksiew jong U Tirado, ha ka khubor The Associated Press.
“Kaei kaba u kynmaw ka long ba uwei u agent jong ka ICE u la siat ia u Lorenzo bad ka jingkhang jong ka van ka la khang noh”, la ong u Degollado.
U Tirado um shym la lah ban iakynduh ia kiba ha iing jong u haduh ka step jong ka sngi thohdieng, bad ka jingkhot ka la neh tang san minit, la iathuh ka khun ksiew jong u. Ki khlem pat lah ban ioh jingtip shuh shuh na ka ICE ne ka FBI.
La kem ruh ia U Jose Rojas, katkum ka jingiathuh jong ka Griselda Silva, ka khun ksiew jongu. Katei ka nong Mexico, kaba 51 snem ka rta, ka la sah ha US da ki phew snem, khlem ka kyrdan ain ne khlem kano kano ka rekod leh kam sniew, ka la ong.
Ka ICE kam shym la pynpaw kyrteng ia ki briew kiba la shah kem.
Ki heh sorkar pdeng kim shym la pynmih ia ka video ne ki dur jong katei ka jingshah siat ne ki kali. U Salgado ha ka sngi thohdieng u la ïasoh bad ki kynhun kiba ïada ïa ka hok longbriew manbriew bad ki heh jong ka Democratic ha kaba kyntu ïa ki bor synshar sorkar pdeng ban pyllait ïa baroh ki dur bad kiwei kiwei ki jingtip kiba ka don halor kane ka jingshah siat.
Ha ki katto katne kiwei pat ki jingshah siat kiba donkti bad ki ophisar jong ka sorkar pdeng, ki jingbatai ba nyngkong da ki ophisar jong ka tnat rung shapoh ka ri teng teng ki la shah pynrem hadien da ki sakhi video.
Ka jingpynshitom beiñ jong ka sorkar pdeng ka la thaw ïa ka ri ha kaba ki ophisar ki pyrkhat ba ki lah ban “siat bad batai hadien,” ong u President ka League of United Latin American Citizens u Roman Palomares.
Ka league ka la tyrwa ban ai khusnam $5,000 na ka bynta ki jingtip bad ki video na ki nongsakhi. U Ronaldo Salgado bad katto katne ki sengbhalang ki la khot ïa ka jingtohkit kaba laitluid. Don kiba kyrpad ïa kino kino kiba don video ba kim dei ban aiti sha ka ICE.
U nongïasaid aiñ jong ka Harris County, u Sean Teare, u la ong ba ka longïing jong u Salgado Araujo bad ka imlang sahlang ki dei hok ban ïoh ïa ka jingshisha, hynrei ki bor sorkar pdeng ki dei kiba peit kyrpang ïa kane ka jingtohkit.
