6th Meghalaya Games: Khur takma ksiar ka EKH ha ka Softball

Ka Neha Hajong na ka EKH ka la long ka nongtied bol kaba tbit tam ha ka kyrdan jong ki kynthei bad u Shongdor Shangpliang ha ka kyrdan jong ki shynrang.

Jowai, K’lyngkot 23

Ka Jowai ka la sakhi ïa ki jingïalehkai final jong ka Softball kiba itynnad bha ha ka 6th Meghalaya Games 2025 ha kaba ka East Khasi Hills District (EKH) ka la khur ïa ki takma ksiar ha baroh ar tylli jingïakhun jong ki shynrang bad kynthei.

Ha ka jingïakhun jong ki shynrang, ka East Jaiñtia Hills bad ka Ri-Bhoi ki la khur ïa ka takma rupa bad takma rnong, katba ha ka liang ki kynthei ka West Jaiñtia Hills District bad ka West Khasi Hills District ki la wan ba-ar bad balai.

Ka Neha Hajong na ka EKH ka la long ka nongtied bol kaba tbit tam ha ka kyrdan jong ki kynthei bad u Shongdor Shangpliang ha ka kyrdan jong ki shynrang.

Ka Fatima Dkhar bad ka Luiza Tamang ki la rah ïa ka khusnam Best Catcher bad Best Hitter ha ka kyrdan jong ki kynthei. Katba u Wadphang Phawa bad u Sandy Kharchandy ki la ïoh ïa ka khusnam Best Catcher bad Best Hitter ha ka liang ki shynrang.

Ïa ki khusnam la sam da da u Bah B.S Sohliya, Deputy Commis-sioner ka West Jaiñtia Hills ha kaba la don lang u President ka Meghalaya Softball Association Dr. Aman War, u R.H Rapsang, Joint Secretary ka MSA, D. Shabong, Working President of MSA nalor kiwei.