Bangkok, K’lyngkot:
Ha ka Sngi Palei la iathuh ba ar ngut ki shijur heh spah bad kiba dei ruh ki Gay (shongkha para shynrang), ki la ioh ban iathoh shongkurim noh hadien ba ka aiñ shongkha para kynthei-shynrang ka la sdang ban treikam ha kane ka sien. Kine shijur ki long kiba nyngkong eh napdeng ki spah ngut ki shijur kiba la pynap bad ioh iathoh shongkurim para kynthei- shynrang.
Namar la ong ba kitei ki shijur ki la ïakhun shitom da ki phew snem ban ioh poi-kha khlem ka jingshah kynthoh bad ka jingshah khang ha ka imlang- sahlang. Kumta ha kane ka sien, kitei ki shijuh ki dap da ka jingsngew kmen kaba khraw ba ka aiñ ka la aibor bad ailad ia ki ba kin long kawei kumba ki la thmu bad angnud baroh shi katta.
Kumta ruh la ong ba ka Thailad ka la long ka ri kaba heh tam ha Asia ban pyntreikam ia katei ka aiñ hadien jong ka Taiwan bad ka Nepal.
