Indonesia, Nailur:
Katkum ki khubor, la ong ba ka Kad liengsuiñ ba kongsan jong ka Indonesia bad katto- katne kiwei pat ki Kad liengsuiñ, ki la plie biang ha ka Step jong ka Sngi Ba-ar, hadien ba la khang da ki sngi, namar ka tdem na ka jingbthei jong u lum, ong ka Transport Ministry.
Katei ka tnat ka la pyllait ïa ka jingthoh hapoh ka rynsan paidbah Instagram ba ka Kad liengsuiñ kaba shakri ïa ka nongbah Jakarta bad saw tylli kiwei pat kiba don hajan ka nongbah lane sawdong jong ka ïew Java mynta ki treikam biang, namar ka jingeh ha ka liang ka jingshngaiñ ha ka liengsuiñ kaba la pynlong ïa ki spah hajar ngut ki nongleit nongwan ban sahkut ka nang hiar.
U lum Anak Krakatau, uba jngai kumba 150 kilomitar (93 mail) na Jakarta, u la bthei ha ka sngi Saitjain, ha kaba u la pynmih ïa ka pukri jong ka tdem bad ka tdem jong u lum.
Ki 8 tylli ki kad liengsuiñ ki la sangeh noh ïa ki jingtreikam ha ka taiew ba kut hadien ba la lap ïa ka dewbilat ha ka jaka jong ki, kaba la pynthut ïa jan 3,000 tylli ki liengsuiñ bad pynlong ïa palat 340,000 ngut ki nongleit nongwan ban sahkut, la pyntip ka tnat Transport ha ka sngi Nyngkong.
Ha ka step jong ka sngi thohdieng ka tnat ka la pynmih ha ka Instagram ba ka kad liengsuiñ jong ka Jakarta bad saw tylli kiwei pat ki la treikam biang.
Ka kad liengsuiñ ba kongsan jong ka Jakarta ka la thoh ha ka Instagram ba “hadien ka jingbthei lum ba mynta jong u lum Anak Krakatau, ka kad liengsuiñ Soekarno-Hatta ka la sdang biang ïa ki liengsuiñ.”
Kham mynshwa, la pynjlan bunsien ïa ka jingkhang ïa ki kad liengsuiñ.
