Cairo, Nailur:
Ka Iran ha ka sngi U Blei ka la ïathuh ba ka la ioh ban ther bom ïa ka jhad US kaba khlem don briew kaba pyrshang ban rung sha ka duriaw Hormuz, ka jingkynnoh kaba ki shipai jong ka US ki la kyntait kum ka jingthok kaba pura.
La ong ba kane ka long ka sien ba hadien eh jong ka jingiakynad ba thymmai hapdeng kine ki ar tylli ki ri.
Katei ka jingthombor ka la jia shisngi hadien ba ki shipai jong ka US ki la ong ba ki shipai ki la siat ïa lai tylli ki jhad kit umphniang jong ka Iran kum ka jingpynrem ïa ka jingshah thombor da ki namding ïa ki jhad thma jong ka Navy.
Ka thma ka la sdang na ka jinghiar thma jong ka US bad ka Israel ïa ka Iran ha ka 28 tarik u Rymphang. Hynrei naduh ba la pynbna ïa ka jingïateh kular ban sangeh thma ha u bnai Rymphang, ka jingïakynad kaba man ka por ka la ïai bteng, ha kaba baroh arliang mamla ki la pyrshang ban pynlong ïa ka jingeh ha ka liang ka shipai bad ka ioh ka kot namar ba ki jingïakren ki la nang sniew.
Ka America bad ka Iran ki la sdang biang ïa ki jinghiar thma ha ka taiew ba ladep, hadien shibnai jong ka jingsuk kaba rit, ha kaba ka Strait of Hormuz bad ki jaidbynriew Iran kiba don harud jong ka ki la shah thombor biang. Ym duna ïa ka 5ngut ki briew ki la iap ha kaba sdang jong ka taiew ha ka por ba ka US ka la bom ïa ka thain shatei lam mihngi jong ka Iran.
Ka sorkar Trump ka paw ba ka la shim ïa ka rukom treikam kaba arliang mamla halor kane ka jingïakynad, da kaba jubab da ki shipai ïa ki jingshah thombor ha ka duriaw katba ka dang leit bud ïa ki jaka ai pisa bar ri kiba pynïaid ïa ka pisa jong ka Iran.
Hynrei ki nongïalam ba rangbah thymmai jong ka Tehran kiba pyrkhing bha ki la pynpaw ïa ka jingkwah ban tih bniah hadien ba ki la mad ïa ki jingpynjari da ki phew snem.
Ka Iran ka la shem ki lad ki lynti ha kine ki snem ban iaid lait ïa ki jingpynjari, bad mynta ïa ka jingkhang jong ka US, bad ban ioh ïa ka umphniang jong ka sha ki nongthied ban iarap ban pynjem ïa ki jingeh ha ka ioh ka kot kiba nang kiew. Kata ka shaniah ha kawei ka bynta ha ka jhad shadem kaba kit ïa ka umphniang jongka.
Katba ka prokram nuclear jong ka Iran, ka mat kaba la pynlong ïa ka jingsdang jong ka thma, la thmu ban pynbeit ha ki jingiakren kiba la hap noh tang hadien ba ka US bad ka Iran ki la iasoi ïa ka jingiateh kular ha ka shiteng jong u bnai Iaiong.
Ki nongmihkhmat ki ong ba ka US, ka Britain, ka France bad ka Germany ki wad ban phah ïa ka Iran sha ka UN Security Council namar ka jingbym lah ban pyndep ïa ki jingbthah jong ka ban ym pynphriang ïa ki tiar nuclear.
Ha ka jaka kata, ka jingpyndonkam thymmai jong ka Tehran ka pynleit jingmut ha ka duriaw bah Hormuz kaba long kaba kongsan bha ha ka jingshalan umphniang bad gas mariang ha ka pyrthei bad la ïohi ïa ka kum ka lynti um jong ka pyrthei shwa ban sdang ka thma.
